العضة و الم التسنين

😅 وجع التسنين… ربنا يكون في عون البيبي!

المرحلة دي فعلًا صعبة عليه، بس تقدري تخففيها بطرق بسيطة جدًا 💖

تعالي نشوف سوا 👇

⸻

🍼 لو الطفل عضك وإنتي بترضعـيه طبيعي.. تعملي إيه؟

أول مرة بيعض فيها بيكون بالصدفة، فـ أهم حاجة

❌ ما تصرّخيش!

لأن صرختك بتخضّه وبتشده، وساعتها يفتكرها لعبة ويكررها علشان يشوف رد فعلك 😅

اعملي إيه بدل كده

✨ خدي نفس، سيبي الرضاعة بهدوء، وبصوت ثابت قولي له “لا، غلط”.

✨ استني شوية قبل ما ترجعي ترضّعيه تاني.

✨ وفي الوقت ده قدّمي له حاجة تبرد له لثته.

⸻

� حاجات تخفف وجع التسنين

1️⃣ شريحة خيار طويلة (من غير قشر) يعضّ الجزء الداخلي منها، بيكون بارد وهش ومريح جدًا.

2️⃣ فوطة صغيرة نضيفة، بلّليها شوية ميه وحطيها في الفريزر، ولما يضايق يعضّها.

3️⃣ زبادي بارد 🥣

4️⃣ عضّاضة التسنين (ممكن تحطيها شوية في التلاجة قبل الاستخدام).

5️⃣ وصفة لطيفة جدًا 😋

زبادي + فاكهة زي الخوخ، اضربيهم في الخلاط،

بعدين نقطيهم على ورق زبدة وجمديهم.

لما يجمدوا، ادّي له النقط دي يمصّها أو يعضّها، بتريحه جدًا.

⸻

� إزاي نتجنب العض تاني

1️⃣ قدّمي له حاجة تبرده قبل الرضاعة.

2️⃣ خدي بالك أثناء الرضاعة، لو بدأ يرخّي فمه، يبقى خلاص شبع وممكن يعضّ، فابعديه فورًا.

3️⃣ مترضّعيش وهو مش جعان، علشان ما يستخدمش الثدي للّعب.

4️⃣ وأهم نقطة وأغلاها 💛

❌ ما تصرّخيش أبدًا 😂

ولو بدأ يعض متعمّد علشان يشوف رد فعلك

✨ ابعديه عن حضنك وقولي له “لا، غلط” بنظرة جادة من غير ضحك.

✨ بعد كده ادّيه حاجة يعضّها.

✨ لما يطلب يرضع تاني، قولي له “ممنوع العض” وارجعي بهدوء.

⸻

الخلاصة

(ما تصرّخيش ❌)

وانطي حاجات باردة 🧊

وما تقلقيش، المرحلة دي قصيرة جدًا،

وخدي صور كتير للذكريات ❤️